Колку конзумирањето на сол и шеќер му штети на вашeто здравје?

Натриумот (солта) и шеќерот се два адитиви во храната кои кога се внесуваат во поголеми количини  може да го зголемат ризикот од болести на срцето и крвните садови и може да придонесат за прекумерна телесна тежина. Општо е познато дека треба да се намали внесувањето  на овие компоненти од храната, но честопати може да бидат збунувачки количините во контекст на оброците.

Натриум  (сол)

Премногу натриум во вашата исхрана придонесува за повишен крвен притисок и може да го зголеми ризикот за болести на срцето како и да предизвика задржување на водата во организмот и подуеност кај некои луѓе.

Натриум  – препораки

Американското министерство за земјоделие препорачува да не се консумираат повеќе од 2300 мг натриум дневно. Ако имате 50 години или ако сте  постари или имате висок крвен притисок, дијабетес или хронична бубрежна болест, тогаш внесувањето на сол треба да се ограничи на само 1.500 мг дневно. Поделете ја препорачаната количина која е соодветна за вас со бројот на дневни оброци, вклучувајќи закуски, па така ќе ја добиете  приближната вредност за тоа колку натриум по оброк би било соодветно за вас. На пример, ако целодневната количина која слободно можете да ја внесете е  2.300 милиграми натриум дневно во текот на три оброци и две ужинки – тоа би значело дека не би требало да  консумирате повеќе од 460 мг по оброк. Ако внесете помалку во текот на еден оброк, дозволено е да се компензира со поголема количина во текот на следниот оброк.

Шеќер

Природниот шеќер кој се среќава во овошјето, зеленчукот и млечните производи го содржи целиот нутритивен пакет, кој нуди витамини, минерали, протеини и антиоксиданси. Иако нема никаква потреба да се предозирате со било кој одреден тип на сметка на другите видови на храна, прекумерното внесувањето на природните шеќери не претставува никаков здравствен проблем. Вистинскиот проблем се додадените шеќери, кои се наоѓаат во индустриски процесирана храна, како на пр. во газираните сокови, бонбони и бели пецива кои обично содржат помалку или воопшто не содржат хранливи материи, а пак затоа имаат огромен број на калории. Премногу додаден шеќер предизвикува зголемување на телесната тежина и може да придонесе за повишен  крвен притисок и да го зголеми ризикот од метаболитички синдром – предвесник на дијабетес од типот 2. Внесувањето на храна со додадени шеќери наместо поздравата варијанта, природната храна,  може да предизвика сериозни проблеми.

Шеќер – препораки

Институтот за медицина препорачува додадените шеќери да не сочинуваат повеќе од 25 отсто од вкупните калории кои се внесуваат во текот на денот. Така, на 2000-калории дневно, тоа би значело помалку од 200 калории додаден шеќер – или 12,5 лажички. Општ заклучок е дека е потребно севкупно намалување на количините на додаден шеќер кој се внесува во организмот. Американското здружение за срцеви болести укажува на фактот дека просечниот американец внесува околу 22 лажички додаден шеќер дневно. Ова здружение препорачува поконзервативни дневни дози на додадени шеќери што се состои од 6 лажички дневно за жени и 9 лажички дневно за мажи. Исто како и со солта, за да дознаете приближно колку додаден шеќер треба да консумирате во текот на еден оброк направете поделба на вкупната количина на шеќер која е соодветна за вашите потреби со бројот на дневни оброци и закуски.  Така на пр., жената која внесува 2000 калории дневно со три оброци и две ужинки, би требало да внесува околу 1,2 лажички по порција – или 4,8 грама.

Заклучок

Многу е лесно и прилично едноставно да се открие количината на натриум во некој производ ако се чита пакувањето на храната. Милиграмите натриум се наведени како ставка на сите етикети. Но, од друга страна етикетите на храната не прават разлика меѓу додадените и природните шеќери.  Во принцип, свежото овошје, зеленчукот и обичните млечни производи содржат природен шеќер. Но, засладените јогурти, овошјето во сируп и конзервираниот зеленчук во сос  имаат значително повеќе шеќер отколку нивните колеги. Другите врсти на храна природно не содржат многу шеќер, па доколку се појави ставката шеќер на етикетата – многу е веројатно дека ова се додадени шеќери. Едно брзо прегледување на листата на состојки може лесно да ги открие додадените шеќери.

Она што треба да го барате е шеќерна трска, високо фруктозен сируп, кристална фруктоза, декстроза, сируп од јачменов слад, мед, агава или меласа.