Колку е сојата здрава за организмот?

Во последните години индустријата на храна и сите оние што се занимаваат со здравјето на човекот обрнуваат големо внимание на соја – протеинот кој се добива од растението соја и претставува нутрицистички производ со многубројни примени. Растението соја е богато со омега-3 масни киселини, Б-витамин, цинк, железо, полинезаситени масти, влакна, антиоксиданси и фитохемикалии. Најпопуларниот во рамките на вегетаријанската заедница, соја протеинот претставува замена за белковините од животинско потекло – бидејќи една чаша содржи 23 грама протеини (околу половина од дневната потреба). Па така, сојата може да се пронајде во некои од најпопуларните светски јадења, вклучувајќи тофу, едамаме, темпех и млеко од соја.

Сојата содржи изофлавони, кои во телото се менуваат и се претвораат во фитоестрогени. Фитоестрогените се многу слични на хормонот естроген. Жените често ја користат сојата како замена за хормонска терапија која има за цел ублажување на симптомите кои се поврзани со менопаузата. Исто така, с е смета дека сојата помага за спречување и контрола на срцевите заболувања и ракот.

Сепак, ефектите од сојата се контроверзни. Човековите клетки, вклучувајќи ги и клетките на ракот, имаат протеински рецептори, кои се насочени кон молекулите со кои тие се сврзуваат. Соодветноста помеѓу овие е тоа што одредува како клетките ќе се однесуваат т.е. дали клетката ќе се активира или ќе се блокира. Сојата може да ги прави и двете. Бидејќи човековиот естроген и фитоестрогенот добиен од соја се толку слични, човековите клетки не можат да направат разлика. Постојат теории и верувања дека фитоестрогенот добиен од соја може да предизвика раст на ракот на дојка што се должи на неговата сличност со човековиот естроген. Од друга страна, некои веруваат дека всушност тоа може да го спречи ракот на дојка, бидејќи го превзема местото на човековиот естроген во рамките на рецепторите на протеинот.

Контроверзите на сојата настануваат заради двата различни вида: ферментирана и неферментирана соја. Ферментираната соја потекнува од Источна Азија, каде што се конзумира во мали количини. Ферментираната соја е одличен извор на витамин К2. Во комбинација со витаминот Д, К-2 може да помогне во спречување на срцеви заболувања, деменција, остеопороза и некои видови рак. Ова е различно од типот на соја која се конзумира во Америка, каде што се употребува неферментираната соја која како таква се преработува. Деведесет проценти од сојата што се одгледува во САД е генетски модифицирана. Неферментираната соја содржи големи количини состојки кои се штетнии го блокираат вашето тело да ги апсорбира потребните хранливи материи.

Со цел да се искористат сите можни придобивки од сојата, единствен начин да го направите тоа е да употребувате, и тоа во мали количини, само производи од ферментирана соја – како што се мисо, темпех, јапонско  нато и некои видови соја сосови. Соја протеинот е една добра алтернатива за животинските протеини и млечните производи – кои се богати со заситени масти.

Совети за конзумирање соја

Избегнувајте преработени производи од соја како што се: сладолед од соја, конзервирана туна во соино масло, соја чипс, соино млеко, хамбургери со соја, детска храна од соја, зрнести плодови од соја и некои видови на тофу.

Избегнувајте додатоци од соја кои содржат изофлавони.

Конзумирајте само производи од ферментирана соја како мисо, темпех, јапонско  нато и некои врсти на соја сосови.

Не конзумирајте повеќе од една порција соја дневно (30 мг).