НЕПРОПУШТАЈТЕ ГО НОЌНОТО СПИЕЊЕ

Три часот наутро. Премногу е рано за да се започне денот. Но не може да се  вратите во кревет за да спиете бидејќи вашиот ум ве држи заробени во повторувањето на минатото и во грижите за иднината и предупредува на тоа дека цел ден ќе бидете исцрпени. Лежите будни, вознемирени и гледате во часовникот. Ви звучи познато?

Проблемот со спиењето често се јавува во средните години.

Проблемот не е само во бројот на часовите на неспиење, туку на вашето тело му е неопходно природно длабоко спиење во вистинско време. За жал, ние сите сме го изгубиле здравото спиење благодарејќи на модерното време, чии карактеристики се многу електронски уреди, долги работни часови и вештачко осветлување.

Драматични се ефектите од недостигот на квалитетно спиење

Симптомите од неспиење го земаат својот данок. Како да имате длабоко и освежувачко спиење?

Неспиењето има долг кумулативен ефект. Колку што подолго трае вашето неспиење, толку повеќе се нанесува штета на вашето здравје. Во еден момент тоа може да доведе до разни заболувања. Ако сте на возраст од 13-65 години потербни се од седум до девет часа за да се наспиете. И да бидете ментално чисти и здрави.

Долгорочните ефекти од подолго неспиење се застрашувачки бидејќи се намалува функцијата на мозокот а вашето тело крахира!

Имено кога спиеме мозокот има време да се исчисти од токсините што се собрале во текот на денот. Тогаш кога не спиеме доволно, тие го “затнуваат” мозокот. Една од тие супстанци е амилоид бета која води до деменција и Алцхајмерова болест.

ОСМИСЛЕТЕ НОВИ НАЧИНИ ЗА СПИЕЊЕ

Обидете се секој ден да одите во исто време на спиење и да станувате. Со тоа се поставува внатрешен часовник на телото и се оптимизира квалитетот на спиењето.

Внимавајте со попладневната дремка. Најдобро е таа да трае од 15-20 минути.

Направете ја вашата спална соба како светилиште на вашиот сон. Кога сте во креветот за спиење , не гледајте телевизија и не носете го компјутерот со вас.

Бидете активни во текот на денот Со редовно вежбање подобро ќе спиете. Најдобро е  вежби од аеробик да се прават најдоцна 2-3часа пред спиење, а вежби од јога за релаксација во вечерните часови можат да го подобрат спиењето.

Внимателно со храната и со пиењето, држете се настрана од стимулансите. Ограничете го внесувањето на кофеин и на никотин во доцните вечерни часови, ако имате проблем со спиењето. Избегнувајте силни оброци, два часа пред легнување. Ако сте од оние што неможат да заспијат гладни, земет лесен оброк како ужина.

Избегнувајте алкохол пред легнување

Една чаша алкохол може да релаксира пред легнување, но ако имате проблем со ритмот на спиењето, подобро е да го избегнувате.

Контрола на изложувањето на светлина

Мелатонинот е природен хормон кој е контролиран од изложувањето на светлина кој го регулира ритамот на будност-спиење. Затоа денски треба да се изложуваме на светлина, а навечер кога спиеме, треба да е темно во собата и да се исклучат телевизор, компјутер или телефон.

И кога се придржувате кон се што е погоре споменато, повторно останува проблемот како да се заспие. Потребно е да се смирите и да се ослободите од мислите. Заостанат стрес, гнев грижа, вознемиреност од изминатиот ден сериозно влијаат врз вашето спиење. Затоа научете техники како да се справите со стерсот и да погледнете на светот од попозитивна перспектива.

Техниките за релаксација за подобро спиење го смируваат умот и го подготвуваат за сон.

Дишете длабоко– Олабавете се затворете ги очите и полека дишете длабоко, се подлабоко со секое вдишување. Со вежбањето дишење се забавува чукањето на срцето и мислите се насочуваат на нешто друго.

Ритуалите пред спиење праќаат сигнали до мозокот дека е време за смирување и ослободување од дневниот стрес.

Читајте книга, слушајте тивка музика…

 

Be the first to comment

Leave a Reply

This site uses Akismet to reduce spam. Learn how your comment data is processed.